♡蘑菇忌廉汁煎豬鞍♡
買左兩塊靚靚豬鞍*^O^*
係凍肉鋪買(好貴)ToT
唔知點整好(>﹏<)
驚俾我攪衰左浪費左塊豬鞍(^_^;)
得到谷友教導♡
原來就咁好鹽醃係最原汁原味架＼(^o^)／
另外，鳴謝鬼嫁食譜 法國《蘑菇忌廉汁》
真係同塊扒好match呀！
♡謝謝各位jm教導♡
做法:
將deBuyer開熱鑊落油，出煙後落豬鞍扒，
轉中火每邊煎2分鐘重覆步驟2次便起得，真係超快呀！
俾塊豬鞍扒rest一陣收汁完成♡
食材
主要食材
豬鞍 2 塊
海鹽 適量
胡椒粉 適量
香草 少量
忌廉蘑菇汁材料 (資料來源 鬼嫁食譜)
蘑菇 10 粒
洋蔥 1/2 個
麵粉 1 湯匙
忌廉奶 200 毫升
雞湯 200 毫升
鹽 適量
胡椒粉 適量
步驟
豬鞍扒先解凍吸乾水份，晒上海鹽和胡椒粉。
大火開熱鑊，落油出白煙，放入豬鞍轉中火煎1分鐘煎至金黃色。
反轉另一面煎2分鐘，重覆步驟2次。即每邊煎6分鐘。
法國蘑菇汁做法。
加入牛油爆香洋蔥約4分鐘。
加入蘑菇一齊炒熟。
加入麵粉。
加入雞湯攪拌煮至傑身。
忌廉奶開大火煮滾，轉小火煮傑將煮好的蘑菇倒入忌廉奶，
加入鹽和胡椒粉調味，攪拌煮至傑身醬汁狀。
最後將忌廉蘑菇汁淋上豬鞍扒上，晒上少許香草完成上桌。
